Brancott Estate Letter Series „T“ Pinot Noir 2016

Brancott Estate gróðursetti fyrsta vínviðinn sinn í Marlborough á Nýja-Sjálandi í byrjun áttunda áratugar síðustu aldar og státar sig meðal annars af því að vera fyrsta vínhúsið sem hóf ræktun á Sauvignon Blanc. Sú þrúga er í dag þekktasta hvítvínsþrúga Nýja-Sjálands en það sama má segja um Pinot Noir þegar kemur að nýsjálenskum rauðvínum. Þetta vín sýnir að Pinot frá Marlborough getur alveg þroskast, vínið er enn ungt, liturinn djúprauður og flottur. Í nefinu eru blóm, brómber, sultuð jarðaber, kirsuber og súkkulaði. Smá Mon-Cheri konfektmoli. Mjúkt og þægilegt í munni.

80%

3.399 krónur. Mjög góð kaup. Flott vín með önd, til dæmis önd og kirsuberjasósu.

  • 8
Deila.