Rósavín þykja oft einföld. Rósakampavín eru hins vegar allt annar handleggur. Þetta eru ekki rauðvín framleidd eins og hvítvín líkt og rósavín heldur hágæðakampavín þar sem að rauðvíni, Pinot Noir-víni frá Champagne, er bætt saman við. Hjá bestu kampavínshúsunum eru rósakampavínin með bestu kampavínunum – tignarleg, fögur og seyðandi.
Bollinger Brut Rosé er magnað kampavín, þétt og ágengt, þroskaður rauður skógarberjaávöxtur í nefi, þrátt fyrir þroska ávaxtarins hefur vínið mikinn ferskleika. Mjög langt og kröftugt uppistaðan Pinot Noir, vín sem hefur gífurlega breidd, getur verið allt frá fordrykk yfir í matarvín með t.d. laxi eða jafnvel önd í berjasósu. Reynið með humar eða risarækjum. Bæði hrikalega „auðvelt“ og aðgengilegt fyrir hvern sem er sem flókið og margslungið fyrir kampavínsfrík.
10.190 krónur
