Luis Felipe Edwards er stærsta fjölskyldurekna vínhúsið í Chile og hefur það vaxið hratt á síðustu árum, ekki síst vegna vinsælda vínanna víða á útflutningsmörkuðum.
Gran Reserva Chardonnay er stútfullt af mildum suðrænum ávexti í bland við hófstillta eik. Í nefi er sannkölluð ávaxtakarfa, ferskjur, sætar melónur, ástaraldin og sítróna, örlítil vanilla. Ferskt og þykkt, svolítið smjörkennt.
2.564 krónur. Mjög góð kaup á því verði, hálf auka stjarna fyrir hlutfall verðs og gæða.
