Cepa 21 2010

Cepa 21 er eitt af nýju vínhúsunum í hinu magnaða spænska héraði Ribera del Duero. Það er í eigu Moro-fjölskyldunnar og er framarlega í bylgju nútímalegra Ribera-vína og er auðvitað gert úr þrúgunni Tinto Fino, sem að víða annars staðar á Spáni er nefnd Tempranillo.

Þið getið lesið meira um Ribera del Duero og Cepa 21 með því að smella hér en við heimsóttum þetta hérað nýlega.

2010 árgangurinn er að ná fullkomnum þroska núna, þótt vel megi geyma hann lengur. Kröftugt vín þar sem eikin er áberandi eins og yfirleitt í betri spænskum vínum. Dökkur berjaávöxtur, sólber með mjúkum kaffi og kryddhjúp. Vínið er tannískt og öflugt, flottur strúktúr. ágengt og unaðslegt.