Bandarískar múffur – cupcakes

Bandarískar múffur eða cupcakes slá yfirleitt alltaf í gegn enda litríkar og gómsætar og hér er einn rammamerísk uppskrift að slíkum.

Innihald

  • 5 dl hveiti
  • 3,5 dl sykur
  • 3 tsk lyftiduft
  • ½ tsk salt
  • 4 eggjahvítur
  • 100 g smjör
  • 2,5 dl mjólk
  • 2 egg
  • 1 ½ tsk vanilludropar

Þessi uppskrift gerir um 24 múffur.

Aðferð

  1. Hitið ofninn í 180 gráður.
  2. Blandið saman hveiti, sykur, lyftidufti, smjöri, mjólk og vanilludropum. Þeytið á lágum hraða í um 2 mínútur. Setjið síðan eggjahvíturnar út í  og þeytið áfram á háum hraða þangað til deigið verður loftkennt  eða í um 2 mínútur.
  3. Bætið nú eggjunum tveimur saman við og þeytið stuttlega saman.
  4. Setjið deigið í múffuformin og fyllið hvert form upp að um tveimur þriðju. Raðið formunum á ofnplötu og bakið í 20-25 mínútur, stingið þá tannstöngli í eina múffuna til að sjá hvort hún sé tilbúin.
  5. Kælið kökurnar áður en kremið er sett á þær.

Múffukrem (fyrir 24 múffur)

Innihald

  • 300 g smjör
  • 500 g flórsykur
  • 2 tsk vanilludropar
  • 4 tsk heitt vatn (sjóðið, ekki nota hitaveituna)

Aðferð

  1. Hrærið saman smjörinu og flórsykrinum með handþeytara.
  2. Bætið  vanilludropum og vatni saman við.
  3. Hrærið áfram þantað til að kremið er mjúkt og fínt.
  4. Blandið matarlit saman við kremið. Gaman er að nota mismunandi liti, hafa t.d. þriðjungi af kreminu rautt, þriðjung grænt og þriðjung gult.
  5. Setjið kremið í kremsprautu og sprautið á múffurnar.
  6. Skreytið með kökuskrauti, smartís eða öðru litríku og góðu.
Deila.