Það er alvöru kaffibragð af þessum ís og því mikilvægt að nota hágæða baunir og kaffi. Best er að nota dökkristaðar espressobaunir eða annað gott dökkt kaffi á borð við French Roast.
- 1 ½ bolli mjólk
- ¾ bolli sykur
- 1 ½ bolli heilar kaffibaunir
- 1 ½ bolli rjómi
- 5 eggjarauður
- ¼ tsk vanilludropar
- ¼ tsk fínmalað, sigtað kaffi
- klípa af salti
Aðferð
Hitið upp mjólkina,sykurinn kaffibaunirnar, saltið og ½ bolla af rjóma í potti á miðlungshita. Passið vel upp á að mjólkin sjóði ekki upp úr. Slökkvið á hitanum þegar mjólkin er orðin mjög heit og gufa byrjar að streyma upp. Leyfið blöndunni að standa í eina klukkustund.
Kælið skál niður með því að láta hana liggja á klakabeði. Hellið afganginum af rjómanum í skálina.
Hitið mjólkina aftur upp. Hún má ekki byrja að sjóða.
Setjið eggjarauðurnar í skál og pískið vel saman. Blandið heitri mjólkurblöndunni saman við. Pískið vel allan tímann.
Hellið þessu öllu síðan aftur í pottinn. Hitið varlega upp á vægum hita þannig að blandan fer að þykkna, um tíu mínútur. Hrærið vel í allan tímann.
Hellið blöndunni í gegnum sigti ofan í skálina með rjómanum. Þrýstið með sleif á kaffibaunirnar í sigtinu til að ná sem mestum vökva úr þeim. Hendið baununum.
Blandið loks vanilludropunum og fínmalaða kaffinu saman við.
Hrærið í á meðan klakinn, sem skálinn liggur á, kælir niður blönduna.
Kælið ísinn í ísskápnum og frystið síðan.
