Spænsk kjúklingapanna

Rétturinn Arroz con Pollo eða hrísgrjón með kjúkling kemur upprunalega frá Spáni en hefur einnig breiðst út um Rómönsku Ameríku og Karíbahafið. Þar nýtur hann mikilla vinsælda og hefur þróast í ýmsar áttir.

  • 1 kjúklingur eða samsvarandi magn af kjúklingabitum, t.d. læri
  • 2 laukar, saxaðir
  • 5 hvítlauksgeirar, fínsaxaðir
  • 1 dós grillaðar paprikur
  • 1 dós tómatar
  • 1 lúka ferskt óreganó, saxað
  • 1 klípa saffran, ca 12 þræðir
  • 3 dl risotto-grjón
  • 7 dl kjúklingasoð (vatn og kraftur)

Hitið olíu á stórri pönnu. Brúnið kjúklingabitana á báðum hliðum, 6-7 mínútur. Takið kjúklinginn af pönnu, setjið í skál og geymið. Lækkið hitann og mýkið lauk og hvítlauk. Eftir 3-4 mínútur er paprikunni bætt út á. Svissið áfram á pönnunni í nokkrar mínútur.

Setjð saffran á pönnunna og hrærið saman við laukinn og paprikuna. Bætið næst hrísgrjónunum út og veltið upp úr blöndunni í 3-4 mínútur.

Hellið heitu kjúklingasoðinu út á pönnunna ásamt kryddjurtunum. Látið malla í um 15 mínútur. Þá er tómötunum ásamt safanum úr dósinni bætt út á. Þrýstið á tómatana með sleif og blandið vel saman við annað á pönnunni. Látið malla í um 10 mínútur eða þar til grjónin eru soðin.

Með þessu hentar ferskt, spænskt hvítvín vel t.d.Baron de Ley Blanco.

Deila.