Trivento Chardonnay Golden Reserve Chardonnay 2011

Golden Reserve Chardonnay frá argentínska vínhúsinu Trivento kemur frá Mendoza-dalnum nánar tiltekið svæði sem heitir Tupungato.

Þetta er klassa hvítvín, nýjaheims Chardonnay stútfullt af suðrænum ávexti en jafnframt nægileg sýra til að gefa víninu festu í uppbyggingu og ferskleika. Gullið á lit, angan af ferskjum, melónu og ananas en einnig áberandi vanilla/vanillusykur úr eikinni, smá ristað. Í munni massavís af suðrænum ávexti, sem fersk sýran sker í gegn og lyftir víninu upp. Eik nokkuð áberandi, smjörkennt og míneralískt.

2.999 krónur. Mjög góð kaup.

Deila.