Afmæliskaka með Andrési Önd

Þessi skúffukaka hefur verið bökuð lengi í fjölskyldunni. og slær alltaf í gegn hjá öllum fjölskyldum. Því oft er nú einföld og góð súkkulaðikaka það sem flestir eru að leita að á kökuborðinu. Þetta er stór uppskrift sem hægt er að setja í skúffu , en líka má setja deigið í múffur (muffins)  eða allt að 3 tertubotna.

  • 200 gr smjör
  • 400 gr sykur
  • 400 gr hveiti
  • 6 msk kakó
  • 4 egg
  • 2 tsk natron
  • 2 tsk lyftiduf
  • 2 bollar  mjólk

Blandið þurrefnunum saman. Bræðið smjörið og mjólkina í potti og bætið við þurrefnablönduna ásamt eggjunum. Setjið í ofnskúffu og bakið við 200 c í cirka 25-30 mín allt eftir ofni

Ef þetta er sett í  muffinsform  þá  skal baka við 180 c í  cirka 12 mín

Krem:

  • 200 gr smjör
  • 500 gr flórsykur
  • 100 gr brætt suðusúkkkulaði
  • 1 tsk vanilludropar
  • smá sterkt kaffi

Hrærið smjörið mjúkt, bætið flórsykrinum út í ásamt vanilludropunum. Bræðið súkkulaðið yfir vatnsbaði út í kremið ásamt kaffinu.

Skúffukökuna má svo skreyta með margvíslegum hætti – allt eftir óskum afmælisbarnsins. Hér á myndinni var hún sett í líki Andrésar Andar.