Margir hafa fordóma gagnvart blómkáli sem er miður enda frábært hráefni. Kannski má rekja það til þess að við venjum því soðnu. Á Ítalíu og víðar um Miðjarðarhafið er það hins vegar oftast steikt eða bakað með ólífuolíu sem breytir bragði þess – gerir það hnetukenndara. Við gerum það einmitt hér og blöndum saman við ítalskt beikon (pancetta) og farro. Það má nota venjulegt beikon í staðinn fyrir pancetta og bygg í staðinn fyrir farro. Gott meðlæti t.d. með grilluðu kjöti.
- 3 dl Farro
- 1 blómkálshaus
- 100 g pancetta
- 3-4 hvítlauksgeirar
- 1 væn luka flatlaufa steinselja
- 1-2 msk nýpressaður safi úr sítrónu
- ólífuolía
- salt og pipar
Byrjið á því að sjóða kornið. Það er mjög gott að sjóða það með grænmeti til að gefa meira bragð. Skerið gulrót, sellerístöngul og lauk í tvennt. HItið olíu í potti og steikið í 1-2 mínútur. Bætið þá farro saman við og síðan vatni og einu lárviðarlaufi. Sjóðið á miðlungshita í 20-25 mínútur. Farro-kornin eiga enn að hafa smá bit undir tönn. Takið lauk, gulrót, sellerí og lárviðarlauf upp úr og hendið. Geymið farro.
Skerið pancetta í litla teninga eða ræmur. Skerið blómkálið niður í bita. Saxið hvítlaukinn.
Byrjið á því að steikja pancetta ásamt örlítilli ólífuolíu í 3-4 mínútur eða þar til það byrjar að verða stökkt. Takið á af pönnu og geymið. Bætið ólífuolíu út á og steikið blómkálið í 8-10 mínútur eða þar til að það hefur tekið á sig góðan lit. Setjði pancetta út á aftur ásamt hvítlauk. Steikið áfram í 1-2 mínútur. Geymið.
Blandið nú saman farro, blómkálsblöndunni og steinseljunni. Það má líka nota fleiri ferskar kryddjurtir, s.s. basil eða óreganó. Hrærið sítrónusafanum og ólífuolíu saman við. Bragðið til með salti og pipar.
