Risarækjur eru skemmtilegt hráefni sem er mjög algengt í asískri matargerð jafnt sem þeirri frá suðurríkjum Bandaríkjanna. Þetta er sjávarfang hitabeltisins og við verðum því að nota innfluttar rækjur en þær er hægt að kaupa frosnar í flestum stórmörkuðum.
Hráefni
- 2 pakkar frosnar risarækjur
- 500 g hágæða spaghetti
- 1 pakki ferskt kóríander
- 2 límónur, safinn pressaður
- 4 hvítlauksgeirar
- 1 dl furuhnetur
- 2,5 dl ólívuolía
- salt og pipar
- 50 g Parmesanostur
Aðferð
- Afþýðið rækjurnar og skolið. Pressið safann úr límónunum í skál og blandið 0,5 dl af ólívuolíunni saman við. Látið rækjurnar liggja í leginum í klukkustund.
- Takið rækjurnar úr leginum. Hitið olíu á pönnu og steikið rækjurnar.
- Maukið hvítlauk, kóríander, furuhnetur, parmesan og 2 dl af olíu saman í matvinnsluvél. Saltið og piprið.
- Sjóðið spaghetti samkvæmt leiðbeiningum.
- Blandið kóríanderpestó og spaghetti saman og berið fram ásamt rækjunum.
Ferskt og ávaxtaríkt hvítvín með t.d. Terlaner Classico
