Maís er frábært meðlæti með margs konar mat, ekki síst grilluðu kjöti. Þetta salat á t.d. sérstaklega vel við grillaðan kjúkling. Það er best að nota ferska maísstöngla sem yfirleitt má fá í búðum en það er einnig hægt að nota frosin maís eða jafnvel úr dós. Miðið þá við um 400 grömm af maís.
- 4-5 vænir maísstönglar
- 1/2 fetakubbur
- 1 rauðlaukur, fínt saxaður
- 1 lúka fínt saxaður kóríander
- klípa af chiliflögum
- safi úr einni límónu
- 1 msk smjör
- salt og pipar
Byrjið á því að elda maísstönglana, annað hvort í ofni eða á grilli. Leiðbeiningar um hvernig grilla á maís finnið þið hér.
Skerið endana af stönglunum og hreinsið utan af þeim. Skerið maískornin af stönglunum með því að renna hnífi niður eftir þeim.
Hitið smjörið á pönnu, bætið chiliflögunum út. Setjið laukinn á pönnuna og mýkið í nokkrar mínútur á miðlungshita. Blandið þá maískornunum saman við og hitið vel.
Kreistið límónu saman yfir og blandið saman við. Slökkvið á hitanum og blandið söxuðum kóríander og fetaostinum saman við.
Bragðið til með salti og pipar og berið strax fram.
