Þessi kjúklingauppskrift kemur frá Víetnam. Kjúklingurinn er látinn liggja í kryddlegi og síðan wok-steiktur ásamt grænmeti.
600 beinlaust, skinnlaust kjúklingakjöt, lundir eða læri, skorið í bita
kryddlögur
- 2 stilkar af lemongrass
- 2 skalottulaukar
- 1 rauður chili, fræhreinsaður
- 4 hvítlauksgeirar
- 4 sm engiferrót
- 1/2 dl olía
- 1/2 dl vatn
- salt og pipar
Maukið allt saman í matvinnsluvél. Setjið maukið í stóran ziplock-plastpoka ásamt kjúklingabitunum og veltið vel saman. Marinerið í nokkrar klukkustundir helst yfir nótt
Þegar kjötið er tilbúið byrjum við á því að undirbúa það sem þarf fyrir steikinguna. Grænmeti og wok-sósu.
grænmeti
- 1 búnt vorlaukur
- 1 rauður chili, fræhreinsaður
- 1 laukur
- Saxið laukinn, vorlaukinn og chilibelginn
wok-sósa
- 2 msk sojasósa
- 1 msk hrísgrjónaedik
- 1/2 msk fiskisósa
- 1 tsk sykur
- 1 tsk maizena
Blandið öllu vel saman í skál
Þá er komið að því að elda grænmetið og kjúklinginn.
Hitið olíu á wok-pönnu eða stórri pönnu. Steikið grænmetið þar til það er orðið mjúkt. Takið af pönnunni og geymið. Takið kjúklinginn úr kryddleginum og hristið mesta maukið af. Bætið olíu á pönnuna og steikið á mjög heitri pönnunni. Þegar kjúklingabitarnir hafa tekið á sig góðan lit og eru að verða steiktir í gegn bætið þið sósunni út á og steikið áfram í 1-2 mínútur. Bætið þá grænmetinu út á og steikið þar til það er orðið heitt.
Berið fram með jasmín-grjónum.
