Kröftugur indverskur kókoskjúklingur
Það vantar ekki kryddin í þessa uppskrift en útkoman verður engu að síður merkilega mild þó vissulega sé smá „hiti“ í þessu indverska kókos-curry.
Leitarorð: indversk matargerð
Norður-indverskt Curry
Þetta er norður-indverskt Curry frá Punjab-héraðinu og rétt eins og í öllum indverskum curry-uppskriftum er ekki teskeið af karrý-kryddi í uppskriftinni.
Indversk kássa
Hakkað nautakjöt er ekki algengasta hráefnið í indverskri matargerð. Í þessum rétti sem heitir Massai Kheema og er það sem við á íslensku köllum kássa er hakkið hins vegar notað í bland við fullt af bragðmiklum, indverskum kryddum, sem lengja hráefnislistann töluvert.
Kjúklingur með kókos og kóríander
Það er suður-indverskur fílingur í þessum rétti og skiptir miklu að nota ferska kókoshnetu þó að það sé óneitanlega svolítið maus að vinna hana.
Vindaloo
Vindaloo er að finna á matseðli flestra indverskra veitingahúsa en rétturinn kemur upprunalega frá Goa á vesturströnd Indlands. Þar er töluvert um portúgölsk áhrif og er talið að nafnið megi rekja til Carne de vinha d’alhos en uppistaðan í þeim rétti er svínakjöt, hvítlaukur og vínedik. Bætið við fullt af indverskum kryddum og útkoman er Vindaloo.
Lambapottur frá Kasmír
Þessi norður-indverska lambauppskrift er frá Kasmír héraði og heitir á frummálinu Kashmiri Gosht. Það er mikið af kryddum í henni og útkoman verður bragðmildur og mjúkur réttur.
Gulrótarsúpa með kókos
Þessi súpa er bæði matarmikil og bragðmikil og sækir innblástur sinn til suður-indverska eldhússins.
Indverskur kjúklingur í möndlu-jógúrtsósu
Þessi indverski réttur er mjúkur og mildur með margslunginni kryddsamsetningu og sætri, þykkri sósu.
Ran Mussalan, lambalæri frá Norður-Indlandi
Þessi uppskrift að bragðmiklu lambalæri er frá Norður-Indlandi og fengum við hana frá Chandriku á Austur-Indíafjelaginu. Hún er fyrir 6-8 manns.
Hyderabadi Biryani með lambakjöti
Biryani eru hrísgrjónaréttir sem algengir eru víða um Indland en upphaflega barst þessi tegund matreiðslu til Indlands með múslímskum innflytjendum. Í biryani réttum sem kenndir eru við Hyderabad er yfirleitt notað kjöt, lamb eða kjúklingur.