Þetta er norður-indverskt Curry frá Punjab-héraðinu og rétt eins og í öllum indverskum curry-uppskriftum er ekki teskeið af karrý-kryddi í uppskriftinni.
Hráefni:
- 500 g beinlausir kjúklingabitar, t.d. læri eða 800 g kjúklingabitar á beini
- 4 tómatar skornir í báta
- 1 laukur, saxaður
- 2 grænir chilibelgir, fræhreinsaðir og saxaðir
- 5 negulnaglar
- 1 kanilstöng
- lárviðarlauf
- 5 sm engifer
- 1 hvítlaukur
- 1 lárviðarlauf
- 1 kanilstöng
- 1 tsk Garam Masala
Kryddblanda
- 1 tsk kardimomma
- 1 tsk túrmerik
- 5 tsk kóríander
- 1/2 tsk chiliflögur
- 1 tsk salt
Aðferð:
Hreinsið utan af hvítlauksgeirunum. Flysjið engiferbútinn og skerið í bita. Maukið hvítlauk og engifer í matvinnsluvél ásamt 2 msk af vatni.
Setjið kryddinn sem eru í kryddblöndunni í bolla og geymið.
Hitið olíu í þykkum potti eða á pönnu. Mýkið laukinn á miðlungshita í fimm mínútur bætið þá negulnöglum, kanilstöng og lárviðarlaufi út á. Mýkið áfram í 5 mínútur.
Bætið söxuðum chili og kjúklingabitunum út á pönnuna. Brúnið kjúklingabitana í 2-3 mínútur. Bætið þá kryddblöndunni saman við og steikið áfram í 2 mínútur. Bætið engifer- og hvítlauksblöndunni saman við hrærið vel saman og látið malla í 1-2 mínútur. Þá er tómötunum bætt út í og þeim blandað vel saman við. Hellið 4-5 dl af vatni út á pönnuna og látið malla undir loki á miðlungshita í 15 mínútur.
Takið lokið af og hækkið hitann. Sjóðið niður þar til að sósan er orðin þykk, um það bil korter. Bætið loks 1 tsk af Garam Masala og ferskum kóríander saman við. Blandið vel saman og berið strax fram.
Með þessu er gott að hafa Basmatigrjón og Naan-brauð. Einnig henta blómkál og kartöflur að hætti Norður-Indverja mjög vel með og auðvitað Raita jógúrtsósu.
