Það er ekki alltaf hægt að ganga að kálfakjöti vísu í kjötborðunum. En þegar það býðst er um að gera að stökkva á það. Hér eru kálfasneiðarnar eldaðar með furuhnetum og blandaðar saman við pasta.
- 600 g kálfakjöt í þunnum sneiðum
- 1,5 dl þurrristaðar furuhnetur
- 2 dl hvítvín
- 4 dl kjúklingasoð
- 2 msk saxað ferskt rósmarín eða 2 tsk þurrkað
- rifinn börkur af 1 sítrónu
- 500 g pasta, t.d. casarecce eða tagliatellle
- hveiti
- smjör
- olía
- salt og pipar
Skerið kjötið litla bita og veltið upp úr hveiti.
Hitið smjör og olíu á pönnu. Brúnið kjötbitana í 5-8 mínútur. Takið af pönnunni og geymið.
Hellið hvítvíni á pönnunna ásamt sítrónuberki og rósmarín. Lækkið hitann. Leysið upp skófarnar sem hafa fests við pönnuna. Þegar vínið er búið að malla í um mínútu er kjúklingasoðinu bætt út á. Leyfið að malla á vægum hita í 10 mínútur og setjið þá kjötbitana aftur á pönnuna ásamt ristuðum furuhnetunum. Látið malla í 3-4 mínútur. Saltið og piprið.
Sjóðið pasta og blandið saman við kjötið á pönnunni ásamt um 1 dl af soðvatninu af pastanu. Blandið vel saman og berið fram með nýrifnum parmesanosti, baguette-brauði og salati.
Gott ítalskt rauðvín væri ekki slæmt með, t.d. Promessa Syrah-Merlot.
