Parmentier kássa

Parmentier eða Hachis Parmentier er afar vinsæll réttur á frönskum heimilum.  Eins konar kássa með kartöflumús. Hann er hægt að gera bæði með nautahakki eða ef þið eigið afgang af nautasteik. Rétturinn er nefndur eftir Antoine-Augustin Parmentier sem var læknir í Frakklandi á sautjándu öld sem var óletjandi baráttumaður fyrir því að fá Frakka til að borða kartöflur.

  • 4 bökunarkartöflur
  • 600 g nautahakk
  • 100 g smjör
  • 1 dós sýrður rjómi (18%)
  • 2 dl nautasoð
  • 1 dl mjólk
  • 1 laukur, saxaður
  • 1 búnt steinselja, saxað
  • 50 g Parmesanostur, rifinn
  • 1 tsk múskat
  • salt og pipar

Sjóðið kartöflurnar. Þegar þær eru fullsoðnar eru flysjaðar og skornar í bita. Það er líka hægt að flysja þær fyrst og skera í bita áður en þær eru soðnar, þá missir maður hins vegar meira af næringarefnum.

Hitið olíu á pönnu. Mýkið laukinn í 4-5 mínútur. Bætið hakkinu saman við og brúnið. Saltið, piprið og bætið heitu nautasoðinu út á pönnuna. Látið malla á miðlungshita í um 15-20 mínútur eða þar til soðið er að mestu soðið niður.

Stappið kartöflurnar ásamt mjólk og smjöri. Bætið síðan sýrða rjómanum, múskati og saxaðri steinseljunni saman við.

Setjið hakkið í ofnfast form. Þá kartöflumúsina yfir. Dreifið loks rifna ostinum yfir.

Bakið í 250 gráðu heitum ofni í 15-20 mínútur.

Berið fram með fersku salati. Hér þarf auðvitað gott franskt rauðvín á borð við Cotes-du-Rhone.

 

Deila.