Asísku brögðin passa mjög vel fyrir grillaðan kjúkling. Kryddlögurinn fyrir kjúklinginn er taílenskur í stílnum en hrísgrjónin meira í anda kínverska eldhússins.
Ef vel viðrar er tilvalið að elda grjónin á pönnu á grilinu.
- 600 g úrbeinuð kjúklingalæri eða bringur
Kryddlögur
- 1 dl ólívuolía
- 1 lúka basil, fínsaxað
- 1 lúka kóríander, fínsaxað
- 4 hvítlauksgeirar, pressaðir
- 2 msk rifinn engiferrót
- 1 msk púðursykur
- 2 msk sojasósa
- 1 msk Red Curry Paste
- 1 tsk chiliflögur
Blandið öllu saman. Marinerið kjúklinginn í 1-2 klukkutíma eða jafnvel yfir nótt.
Steikt hrísgrjón
- 3 dl jasmingrjón
- 2 laukar, saxaðir
- 2 egg
- 1 búnt vorlaukur, saxaður
- 1 lúka kóríander, fínsaxaður
- 1 msk sesamolía
- 2 msk sojasósa
- ólívuolía
Sjóðið hrísgrjónin. Hitið olíu á pönnu eða wokpönnu og mýkið laukinn. Bætið hvítlauknum út á og blandið vel saman. Blandið vorlauknum saman við og steikið áfram í 2-3 mínútur. ýtið grænmetinu tll hliðar á pönnunni og „spælið“ egginn. Þegar þau eru steikt eru þau maukuð með sleif og blandað saman við grænmetið. Látið grjónin út á og steikið í smá stund, 2-3 mínútur.
Bætið sesamolíunni saman við. Blandið kóríander saman við.
Berið fram ásamt grilluðum kjúklingnum, sojasósu og jafnvel sætri chilisósu.