Salsa salat með maís

Ferskar maísstangir má nú fá í mörgum stórmörkuðum og þær verða unaðslega sætar og góðar þegar þær eru grillaðar. Síðan má skafa kornin af stöngunum og nota í margvísleg salöt en samsetningar eins og þessi eru oft kallaðar salsa í Mexíkó og suðvesturhluta Bandaríkjanna.

  • 3 maísstangir, grillaðar
  • 1 rauð paprika, skorin í litla bita
  • 1/2 rauðlaukur, fínt saxaður
  • 1 grænn chilibelgur, fræhreinsaður og fínsaxaður
  • 1 búnt kóríander
  • 3-4 hvítlauksgeirar, pressaðir
  • safi úr 1 lime
  • hvítvínsedik
  • ólívuolía
  • salt og pipar

Grillið maísin og skafið kornin af. Saxið grænmetið og setjið í skál. Pressið lime-safann yfir, bætið við skvettu af góðu hvítvínsediki, vænni skvettu af ólívuolíu og bragðið til með salti og pipar.

Deila.