Lambakjötið i þessari uppskrift er bæði látið liggja í kryddlegi og síðan „röbbað“ eða þurrkryddað með kryddblöndu áður en það er grillað. Lambalæri hentar best og það er hægt að nota þetta á heilt læri (gjarnan úrbeinað) sem síðan er grillað eða innralærisbita líkt og hér sem eru sneiddir niður og settir í pítabrauð.
Fleiri uppskriftir að lambakjöti má finna hér
Kryddlögurinn
- 1 dl rósmarín
- 4-5 vænir hvítlauksgeirar, pressaðir
- safi úr einni sítrónu
- 1 msk óreganó
- 1 msk rósmarín
- 1 tsk chiliflögur
- salt og pipar
Blandið öllu saman og látið lambið liggja í kryddleginum í að minnsta kosti klukkustund. Gjarnan í ísskáp yfir nótt. Það er mjög þægilegt að setja kryddlöginn og kjötinn í frystipoka og snúa honum reglulega.
Þegar búið er að taka kjötið úr marineringu þarf að nudda það með kryddblöndunni.
Kryddblanda
- 1 tsk paprika
- 1 tsk „smoked paprika“
- 1 tsk óreganó
- 1/ 2 tsk Cayenne pipar
- salt og pipar.
Blandið saman, nuddið í kjötið og grillið.
Sneiðið kjötið niður. Berið fram með grískri Tzatziki-sósu, salati, niðursneiddum lauk og tómötum. Með þessu hituð eða grilluð pítubrauð.
