Kjúklingapasta með sítrónu og steinselju

Þessi uppskrift að kjúklingapasta er ítalski einfaldleikinn í hnotskurn. Fljótleg, auðveld en samt svo svakalega fullkomin.

  • 500 g „Ítalía“ Spaghetti eða Tagliatelle
  • 600 g úrbeinað kjúklingakjöt, lundir, læri eða bringur
  • safi úr einni sítrónu
  • 1 væn lúka af fínt saxaðri flatlaufa steinselju (Fjallasteinselja)
  • 75 g rifinn parmesanostur
  • „Ítalía“ ólífuolía
  • sjávarsalt og nýmulinn pipar

Sjóðið pasta samkvæmt leiðbeiningum.

Skerið kjúklinginn í litla bita. Hitið olíu á pönnu og brúnið bitana í 4-5 mínútur eða þar til að þeir eru eldaðir í gegn. Geymið og haldið heitum.

Pískið saman um 2 -3 msk af ólífuolíu og sítrónusafanum. Bætið rifnum parmesan, saxaðri steinselju, salti og pipar saman við. Pískið vel saman.

Blandið pasta, sósunni og kjúklingnum saman í skál. Berið strax fram með aukaskammt af rifnum parmesan.