Campo Ceni er IGT Toskana vín frá Barone Ricasole en IGT merkir að vínið komi frá tilteknu svæði en falli ekki að öllu undir vínhefðir þess svæðis. Meginþrúga vínsins er Sangiovese en jafnframt er einhverju af hinni frönskættuðu Merlot bætt saman við, sem útskýrir hvers vegna vínið fellur undir IGT-skilgreininguna.

Vínsamlagið í Pfaffenheim í Alsace í Frakklandi eða Cave Vinicole de Pfaffenheim et Gueberschwihr er enn eitt dæmið um að vínsamlög bænda geta verið í fremstu röð. Það var sett á laggirnar af hópi bænda árið 1957 sem vildu sameina krafta sína. Þeir telja nú 250 vínbændurnir sem standa að samlaginu.

Vínhúsið Willm er á vínleiðinni eða Route du vin á milli Strassborgar og Colmar í Alsace í Frakklandi, nánar tiltekið í smábænum Barr. Willm-fjölskyldan, sem þá rak veitingahús í Barr, stofnaði víngerðina 1896 og náði fljótt undraverðum árangri í útflutningi.

Vínhúsið Feudi di San Marzano varð til í núverandi mynd þegar Valentino Sciotti rakst á vínsamlagið Cantina Sociale di San Marzano í Púglíu og sá þá möguleika sem voru til staðar.  Sciotti þykir með framsæknustu vínmönnum Ítalíu, hann er upprunalega frá Abruzzi en hefur undanfarið starfað mikið á Suður-Ítalíu, í Kampaníu og Puglía.

Torres er líklega þekktastur allra spænskra vínframleiðanda og kom Katalóníu á kortið á sínum tíma hjá vínáhugafólki um allan heim.

Þorpið Pouilly í suðurhluta Búrgund er Íslendingum að góðu kunnugt, að minnsta kosti í gegnum vín sín. Vínin sem kölluð eru Pouilly-Fuissé hafa enda verið vinsælustu Búrgundarvínin hér á landi (og víðar) ásamt Chablis-vínunum hvítu úr norðurhluta héraðsins.

Kampavín er með helstu fórnarlömbum bankakreppunnar, ekki bara á Íslandi, heldur alþjóðlega. Margir horfa sem stendur frekar til ódýrari freyðandi vína og nóg er svo sem til af þeim.

Trivento er eitt af dæmunum um „innrás“ Chile í Argentínu síðustu árin. Þrátt fyrir að Argentína beri höfuð og herðar yfir Chile í vínframleiðslu þegar horft er til sögunnar og hversu mikið er framleitt af víni þá verður að segjast eins og er að vínbændur í Argentínu geta og eru að læra ýmislegt frá frændum sínum vestan Andes-fjalla.

Þetta spræka hvítvín frá Banfi er blanda úr þrúgunum Chardonnay og Pinot Grigio. Hvorug þeirra á uppruna sinn að rekja til Toskana, þaðan sem þetta vín kemur, en dafna þar alveg ágætlega eins og dæmin sýna.

Coto Vintage 2005 er eitt þeirra vína sem hlaut Gyllta glasið á dögunum í smökkun Vínþjónasamtaka Íslands en að þessu sinni voru það vín undir 2000 krónum sem tekin voru til smökkunar.