Lasagna er hægt að gera á nær endalausa vegu. Klassískt lasagna er með kjötsósu og hvítri Béchamel-sósu. Hér gerum við hins vegar ostasósu með ferskum mozzarellakúlum.
- 500 g nautahakk
- 1 pakki ferskar lasagnaplötur
- 1 laukur fínskorinn
- 1 tsk Sambal Olek
- 2 hvítlauksrif pressuð
- 1 dós tómatar
- Krydda eftir smekk, t.d. óreganó og timjan
- salt
- pipar
Ostasósa:
- 500 gr.kotasæla
- 2 pokar ferskur mozarellaostur (250gr)
- 1 egg
- 1/2 dós sýrður rjómi (18%)
- klípa múskat
Byrjið á því að mýkja laukinn og hvítlaukinn í olíu, ,setjið síðan kjötið út á pönnuna og tómata. Kryddið.
Sósan er næst. Skerið mozarellakúlurnar í bita og blandið öllu saman sem á að vera í sósunni. Saltið og piprið.
Raðið næst kjötsósunni og lasagnablöðunum og ostasósunni á víxl í eldafast mót. Endið á skammti af ostasósunni. Rífið líka smá parmesanost ofan á Ég var með tvær hæðir og frekar stórt mót ef þið eruð með minna mót þá ættuð þið að geta gert fleiri lög af sósu og plötum.
Bakið við 225 gráður í 20-30 mín
