La Burgondie er vínsamlag 700 vínbænda um allt Búrgundarhérað, frá Auxerre í norðri til Beaujolais í suðri. Uppruni þessa rauðvíns er Coteaux Bourguignons sem er AOP-svæði sem nær til stór hluta Búrgundar. Þrúgan hér er Gamay og stíllinn því meira í stíl við Beaujolais og ekki ólíklegt að þrúgurnar hafi einmitt verið ræktaðar einhvers staðar á þeim slóðum. Liturinn er skærrauður, fersk angan, svolítið pipruð, rauð ber og skógarber, lyng. Ágætis sýra, sem gefur víninu ferskleika, mild tannín. Vel gert og ljúft vín.
80%
2.499 krónur. Frábær kaup. Virkilega fínt vín á þessu verði. Berið fram örlítið kælt eða við 16-18 gráður. Með ljósu kjöti og ostum.
-
8
