Það er ansi hreint mikil og breið flóra af vínum gerð undir merkjum „cotes du rhone“ og þau eru ansi hreint misjöfn, bæði í stíl og að gæðum. Vínið frá E. Guigal er þó eitt þeirra sem hefur sérstöðu og skarar fram úr. Ólíkt flestum Cotes-du-Rhone koma þrúgurnar frá norðurhluta héraðsins og Syrah er ríkjandi í blöndunni. Og rétt eins og hvíta Cotes-du-Rhone vínið frá Guigal minnir meira á betri þorpsvín frá Condrieu er hið rauða meira í stíl við betri vín norðurhluta Rhone en hefðbundin Cotes-du-Rhone, enda Guigla óumdeilanlega eitt besta vínhús Frakklands.
Vínið er dökkt, ungt, töluvert míneralískt og kryddað, villt ber, svartar ólífur, áberandi Syrah, gott tannískt bit, fín sýra og vottur af hvítum pipar í lokin, nær fullkomið Cotes du Rhone.
2.499 krónur. Frábær kaup, með öllu kjöti, ekki síst lambi.
-
9
