Suðurríkja BBQ kjúklingur

Þetta er ein af þessum dæmigerðu Suðurríkjauppskriftum þar sem grilluðum kjúkling er breytt í hreinasta lostæti með kröftugri BBQ-sósu.

Byrjið á því að leggja kjúklinginn í pækil í 1-2 klukkustundir:

  • 3  lítrar vatn
  • 3 pressaðir hvitlauksgeirar
  • 3 msk púðursykur
  • 1 msk timjan
  • 1 msk salt

Þá er komið að því að gera BBQ-sósuna.

  • ólívuolía
  • 3 dl tómatsósa
  • 1 msk Dijon-sinnep
  • 4 msk púðursykur
  • 2 msk vínedik
  • 3-4 hvítlauksgeirar, pressaðir
  • 1 laukur, fínt saxaður
  • 3 sneiðar beikon, skornar í litla bita
  • 1 laukur, fínsaxaður
  • 2-3 timjanstönglar
  • 1 tsk reykt paprikukrydd „smoked paprika“ (eða venjulegt paprikukrydd)
  • 1 tsk cummin
  • salt og pipar

Hitið ólívuolíu  (2-3 msk) í þykkum potti og steikið beikon og timjanstöngla á miðlungshita í 2-3 mínútur. Bætið næst við lauk og hvítlauk og mýkið í 4-5 mínútur. Passið að hafa ekki of mikinn hita.

Bætið við öllum öðrum hráefnum, hrærið vel saman og látið malla á vægum hita í um 15 mínútur. Geymið og haldið sósunni heitri.

Takið kjúklingabitana upp úr pæklinum. Þerrið og grillið. Þegar bitarnir eru fulleldaðir er þeim bætt út í pottinn með sósunni og velt vel upp úr henni á meðan hún er hituð vel upp.

Berið fram með t.d. hrísgrjónum og salati.

Með þessu mjúkt rauðvín á borð við Montes Cabernet Sauvignon-Carmenere.

 

Deila.