Rósakál með beikoni og hnetum

Rósakál sem stundum er líka kallað Brusselkál tengja flestir við veturinn og jafnvel jólin. Þetta er hins vegar frábært meðlæti allan ársins hring t.d. með grilluðu kjöti.

  • 500 g rósakál
  • 100 g beikon eða pancetta
  • 1-2 lúkur hnetur, t.d. valhnetur eða pecanhnetur
  • ferskt timjan
  • balsamikedik
  • smjör
  • salt og pipar

Skerið endana af rósakálinu og losið ystu laufin. Skerið í tvennt. Skerið beikon/pancetta í bita. Hitið beikon á pönnu ásamt 1-2 msk af smjöri. Bætið rósakáli út á, blandið vel saman og steikið í nokkrar mínútur. Saltið og piprið.

Setjið pönnuna inn í 200 gráðu heitan ofn. Eldið í um 30 mínútur. Veltið um með sleif nokkrum sinnum.

Ristið hneturnar í um 3-5 mínútur í heitum ofninum. Takið út um leið og þær byrja að dökkna.

Takið pönnuna með rósakálinu út. Hellið vænnni skvettu af balsamikedik út á og blandið velsaman. Bætið hnetunum saman við ásamt fersku timjan.

 

Deila.