Það er löng og gamalgróin hefð fyrir vínrækt á Höfðasvæðinu í Suður-Afríku. Vínhúsið Nederburg á sögu sem nær aftur til ársins 1791 og er í dag með stærstu og þekktustu vínhúsum landsins og á nú ekrur á ýmsum stöðum í landinu. Þrúgurnar í þetta hvítvín koma frá Western Cape en flest af þekktustu undirsvæðum suður-afrískrar víngerðar er að finna á því stóra svæði.
Fölgult á lit með grænum tónum, þétt og þurr angan, lime og limebörkur, hvít blóm, nokkuð míneralískt, þurrt og ferskt. Vel gert vín.
80%
2.499 krónur. Frábær kaup. Með grilluðum fiski.
-
8