Keppnin um hvaða vín hljóta Gyllta glasið 2025 fór fram á dögunum en það eru Vínþjónasamtök Íslands sem að venju skipuleggja þessa keppnissmökkun. Verðflokkur vína í keppni í ár er frá 2.990 kr til 5.000 kr og völdu vínbirgjar vínin. Þetta var síðari hluti smökkunar ársins og voru vín norðan við miðbaug tekin fyrir fyrir að Norður-Ameríku undanskilinni en vín þaðan voru í vorsmakki Gyllta glasins.
Vínin voru smökkuð blint af sérstakri dómnefnd sem Vínþjónasamtökin boðuðu til á Reykjavík Natura.
Yfirdómari var eins og fyrri ár Alba E. H. Hough margfaldur Íslandsmeistari vínþjóna með sérstakri aðstoð frá vel völdu fagfólki og eiga þau þakkir fyrir að standa að stærstu blindmökkum sem fram fer á Íslandi ár hvert.
5 hvítvín og 10 rauðvín hlutu Gyllta glasið 2025 þegar stigin höfðu verið talin saman. Vínin verða sérmerkt í Vínbúðum með merki Gyllta Glassins og gildir sú merking fyrir árganginn sem fékk verðlaunin.
Verðlaunavínin
Hvítvín:
Ambace Fiano Chardonnay 2024, 3.497 kr
Gustave Lorentz Riesling 2023, 2.990 kr
Hugel Gentil 2023, 2.999 kr
Louis Jadot Couvent des Jacobins Chardonnay 2023, 3.999 kr
Willm Riesling Reserve 2024, 2.999kr
Rauðvín:
Baron de Ley „Finca Monasterio“ 2022, 4.599 kr
Castemondo Valpolicella Ripasso Superiore 2022, 2.999 kr
Carlos Serres Gran Reserva 2017, 3.886 kr
Corte Ciara Ripasso la Groletta 2023, 3.790 kr
Cotes du Rhone, Domaine Guigal 2022, 3.299 kr
Cubardi Primitivo 2022, 4.990 kr
Muriel Reserva 2019, 3.199 kr
Torres Purgatori 2022, 4.990 kr
Vidal Fleury Cotes du Rhone 2022, 2.999 kr
Zenato Valpolicella Superiore 2021, 2.990 kr
