Limari er eitt af nýrri víngerðarsvæðum Chile og eitt af þeim svæðum sem strax getur verið skynsamlegt að leggja á minnið. Það er um 400 kílómetra norður af Santiago og þó svo að haldið sé í norður, nær miðbaug, er loftslagið svalara og þurrara en á svæðunum nær höfuðborginni. Kjöraðstæður fyrir norður-evrópskar þrúgur – og það á svo sannarlega við um Búrgúndarþrúguna Pinot Noir.
Nokkuð dökkt af Pinot að vera, í nefi eru rifsber fyrirferðarmikil, sæt og þroskuð, einnig dekkri betri ber, út í kirsuber, flott uppbygging, vínið hefur flotta og vel strúktúreraða uppbyggingu, smá míneralískt, góð tannín. Klassavín, nýjaheimsávöxtur en svolítið franskur strúktúr.
2.799 krónur. Frábær kaup. Vín fyrir t.d. önd, kalkún og hvers vegna ekki hamborgarhrygg.
-
9
