Bruschetta er klassískur ítalskur antipasti eða forréttur sem samanstendur af grilluðu brauði með margvíslegu meðlæti. Hér er nútímaleg útgáfa með Portobello-sveppum.
- 1 stórt baguette-brauð, skorið í 3-4 sm sneiðar
- 1,5 bolli balsamikedik
- ¼ bolli akasíuhunangt
- ¼ bolli púðursykur
- 6 Portobello-sveppir. Stilkurinn skorinn af.
- 3 rauðlaukar, niðursneiddir
- 1 dós grillaðar paprikur í olíu, saxið paprikurnar
- 1 lúka basil, saxað
- 2 vorlaukar, fínt saxaðir
- 1,5 msk ferskt timjan
- 1 poki klettasalat, grófsaxið
- 2 hvítlauksgeirar, pressaðir
Hitið ofninn í 200 gráður.
Blandið saman ediki, púðursykri og timjan í skál. Takið frá um hálfan bolla (1,25 dl) og geymið.
Setjið sveppahattanna í ofnfast fat. Hellið afganginum af leginum yfir sveppina. Lokið fatinu með álpappír og bakið í 40 mínútur.
Leyfið sveppunum að kólna og sneiðið síðan niður.
Hitið 2 msk af ólívuolíu á stórri pönnu. Mýkið rauðlaukinn á miðlungshista og leyfið honum að brúnast aðeins en það tekur 20-25 mínútur.
Bætið þá hálfa bollanum af leginum, sem tekin var til hliðar, út á pönnuna og sjóðið alveg niður, um fimm mínútur. Takið laukin af pönnunni og geymið.
Blandið saxaðri paprikunni, vorlauknum, basil, hvítlauk og 1 msk ólívuolíu saman í skál.
Raðið næst brauðsneiðunum á ofnplötu. Penslið sneiðarnar með ólívuolíu. Setjið í ofninn og bakið í um 10 mínútur eða þar til brauðið er hæfilega ristað.
Þá er komið að því að setja á brauðið. Byrjið á því að setja sveppasneiðar. Þá grófsaxað klettasalat. Næst sultaða rauðlaukinn og loks paprikublönduna.
Setjið plötuna aftur í ofninn og hitið í um 3 mínútur.
Takið út, saltið með Maldon-salti og nýmuldum pipar og berið strax fram.
