Þetta eru bragðmikil og fín kjúklingaspjót á grillið með asísku yfirbragði. Sesamolían og sesamfræin gefa tóninn.
Kryddlögurinn
- 1/2 dl sesamolía
- 1 msk sesamfræ
- 1 msk sojaolía
- safi úr 1/2 sítrónu
- 1 tsk chiliflögur eða 1/2 fínsaxaður rauður chilibelgur
- 1 væn msk púðursykur
- 3-4 hvítlauksgeirar
- 2 msk fínt saxað ferskt basil
Blandið öllu vel saman.
Skerið kjúklinginn í bita og látið liggja í kryddleginum í eina til tvær klukkustundir. Þræðið þá upp á grillspjót og grillið. Berið fram með t.d. steiktum hrísgrjónum.
Hvítvín með á borð við Banfi Le Rime Pinot Grigio-Chardonnay.
