Það þarf ekki að hafa mikið fyrir hreindýrakjöti til að það njóti sín. Hér dregur síder- og koníakssósa fram það besta í kjötinu ásamt rösti-kartöflum með beikoni og púrru.
- 4 hreindýrasteikur, hver um 150 grömm
- 4 bökunarkartöflur
- 1 stór púrrulaukur eða 2 litlir. Notið bara hvíta hlutann. Skerið í tvennt langsum og síðan þversum. Saxið niður í litlar ræmur.
- 100 grömm beikon, saxað fínt
- 3 dl síder eða hreinn eplasafi
- 2 dl hreindýrasoð eða annað gott, bragðmikið kjötsoð
- 1 dl koníak eða bourbon
Aðferð:
- Gott er að marínera kjötið í kryddlegi fyrir hreindýr.
- Sjóðið kartöflur, kælið, skrælið og rífið niður á grófu rifjárni.
- Blandið saxaða púrrulauknum og beikoninu saman við kartöflurnar ásamt salti og pipar.
- Mótið fjórar um 1-2 sm þykkar pönnukökur og steikið í smjöri á pönnu þar til þær hafa tekið á sig góðan lit báðum megin.
- Setjið rösti-pönnukökurnar inn í 120 gráða heitan ofn.
- Sjóðið síderinn niður um 2/3.
- Bætið kjötsoðinu saman við og sjóðið aftur niður um 2/3.
- Bætið koníaki/bourbon saman við. Bragðið á sósunni og kannið hvort hún hefur náð þeim bragðstyrk sem þið viljið. Geymið.
- Steikið hreindýrasteikurnar í smjöri á pönnu. Hreindýrakjöt má ekki steikja of lengi. Miðið við 3-4 mínútur á hvorri hlið.
- Bætið sósunni út á pönnunna og hitið upp ásamt kjötinu.
- Takið röstipönnukökurnar út úr ofninum og setjið á diska.
- Setjið hreindýrasteik ofan á hverja pönnuköku og hellið sósunni yfir. Berið strax fram.
Með þessu má hafa ýmislegt annað meðlætið, s.s. Waldorf-salat eða stappaða sellerírót.
Gott Bordeaux-vín er fullkomið með þessu, t.d. Brio de Cantenac.
