Þessi réttur var í saumaklúbbi hjá mér um daginn og smakkaðist mjög vel og auðvitað varð ég að fá uppskriftina.
- 1/2 samlokubrauð án skorpu
- 1 pakkning pepperoní
- svartar olífur (eftir smekk)
- 8 ferskir sveppir
- 1/2 krukka sólþurrkaðir tómatar
- 1 ferna matreiðslurjómi
- 1 Mexíkó-ostur
- 1 poki gratínostur
Brauðið sett í botn á eldföstu móti. Pepperóni, ólífur, sveppir og sólþurrkaðir tómatar skorið smátt og blandað saman. Síðan er því dreift yfir brauðið.
Sósan: Skerið Mexíkó-ostinn i bita og setjið í pott ásamt matreiðslurjómanum. Hitið á vægum hita eða þar til osturinn er bráðnaður. Látið kólna. Hellið síðan blöndunni yfir réttinn og dreifið gratínostinum yfir.
Bakist við 200 C í 20 mín.
