Þessi sítrónukaka er bæði mjúk og góð. Hér er hún sett í páskalegan búning og gæti því hentað vel á morgunverhlaðborðið um páskana.
- 200 grömm smjör
- 2.5 dl sykur
- 3 egg
- 1 sítróna (bæði börkur og safinn)
- 5,5 dl hveiti
- 2 tsk lyftiduft
- 2 tsk vanillusykur
- 1.5 dl rjómi
Glasúr
- 2,5 dl flórsykur
- 2 msk sítrónusafi
Stillið ofninn á 175 gráður. Hrærið saman smjör og sykur. Bætið siðan eggjununum út í einu í einu og hrærið vel á milli. Þvoið sítrónuna og rífið börkinn utan af og kreistið safann úr sítrónunni. Bætið rifna sítrónuberkinum og safanum síðan út i deigið. Blandið að lokum þurrefnunum og rjómanum saman við á víxl. Bakið neðarlega í ofni í cirka 40-50 mínútur. Búið til glasúrið á meðan.
Þegar kakan hefur kólnað alveg er hún pensluð með glasúrnum.
