Marques de Casa Concha Cabernet Sauvignon 2012

Marques de Casa Concha Cabernet Sauvignon er skólabókardæmi um það hversu vel þessi franska þrúga nýtur sín í Maipo-dalnum í Chile, einu elsta víngerðarhéraði landsins.

Dökkt og mikið vín með djúpum og þykkum ávexti, þroskuðum sólberjum, bláberjum og fullt af ferskri myntu, kaffi og vanillu. Djúpt, þykkt, mjúkt, tannín spegilslétt, frábært samspil ávaxtar og eikar, nokkuð kryddað í lokin, eik og vottur af kaffi situr eftir. Nautakjötsvín sem er líka tilvalið með villibráð.

2.964 krónur. Mjög góð kaup.

Deila.