Willm Riesling Reserve 2016

Vínhúsið Willm er á vínleiðinni eða Route du vin á milli Strassborgar og Colmar í Alsace í Frakklandi, nánar tiltekið í smábænum Barr. Willm-fjölskyldan, sem þá rak veitingahús í Barr, stofnaði víngerðina 1896 og náði fljótt undraverðum árangri í útflutningi.

Allt of mörg Alsace-vín eru í dag orðin of sæt og væmin. Þetta er hins vegar klassískur, þurr og tignarlegur Riesling. Skarpur, tær sítrusávöxtur í nefi í bland við ferskjur og suðrænni ávexti, þétt, þurrt, míneralískt. Kallar á góðan mat.

80%

2.499 krónur. Frábær kaup. Með laxi, silungi og hvers vegna ekki rækjukokteil.

  • 8
Deila.