Casillero del Diablo er ein þekktasta vínlína Chile en heiti vínsins „kjallari kölska“ dregur nafn sitt af gamalli þjóðsögu. Concha y Toro-fjölskyldan á að hafa verði orðið langþreytt á hversu mikið vín hvarf úr vínkjallaranum í Maipo að hún kom þeirri sögu af stað að kölski sjálf hefðist þar við á nóttunni. Eftir það snardró úr heimsóknum óvelkominna gesta í kjallarann. Þetta er flottur og aðgengilegur Cabernet Sauvignon, áfengisprósentan er 12,5% sem gerir stílinn svolítið evrópskari en hjá mörgum Chile-vínum, það er dimmrautt á lit, þægilegur sólberjaávöxtur, bláber og mild eik, örlítil vanilla og vottur af reyk, ávöxturinn er djúpur og þykkur, ágætis sýra og mjúk tannín. Elegant vín fyrir peninginn.
2.150 krónur. Frábær kaup. Með grilluðu kjöti.
-
8
