Vínhúsið Willm er á vínleiðinni eða Route du vin á milli Strassborgar og Colmar í Alsace í Frakklandi, nánar tiltekið í smábænum Barr. Willm-fjölskyldan, sem þá rak veitingahús í Barr, stofnaði víngerðina 1896 og náði fljótt undraverðum árangri í útflutningi.

Þetta argentínaska hvítvín kemur úr smiðju Nicola Catena en Alamos-lína hans er þekkt fyrir að gefa mikil gæði fyrir peninginn.

Þessi Cabernet frá Chile er framleiddur af vínhúsinu Casa Lapostolle sem er í eigu frönsku Marnier-Lapostolle-fjölskyldunnar, sem þekktust er fyrir að framleiða líkjörinn Grand Marnier. Vínhúsið í Chile hefur löngum notið góðs af þekkingu víngerðarmannsins Michel Rolland.

Þessi nýsjálenski Merlot er ágætlega fjölhæfur, hann hefur kannski ekki afgerandi persónuleika en á móti þann sveigjanleika sem þarf til að nýtast sem alhliða matarvín.

Þetta sjarmerandi Petit-Chablis kemur frá hjónunum Isabelle og Denis Pommier sem stofnuðu lítið vínfyrirtæki í Chablis árið 1990. Þau ráða nú yfir 13 hektörum af vínekrum allt frá Petit-Chablis upp í vín í gæðaflokknum Premier Cru.

Vínsamlög eru algeng í Evrópu, í Frakklandi kallast þau co-operative og á Ítalíu cantina. Kerfið ekki ósvipað íslensku mjólkursamlögunum. Í flestum tilvikum framleiða þau ódýr og óeftirminnileg vín þar sem þrúgum og vínum frá hundruðum vínbænda er sturtað saman. Í einstaka tilvikum eru samlögin hins vegar leiðandi í gæðaframleiðslu á sínu svæði.

Þetta er vín frá San Juan héraðinu í Argentínu sem er ekki nærri því eins þekkt og nágranninn í suðri, Mendoza. Engu að síður er San Juan næst mikilvægasta vínræktarsvæði Argentínu.

Alamos er lína frá argentínska framleiðandanum Catena sem er aðeins ódýrari en þau vín sem seld eru undir nafninu Catena og Catena Zapata

Árið 2004 var afbragðsgott í Rioja og stofnunin Consejo Regulador sem er hin opinbera eftirlitsstofnun héraðsins flokkar hann sem „stórkostlegan“. Að flestra mati er þetta einhvern besti árgangur síðari tíma í Rioja, ekki ósvipað og 2005 var viða í Frakklandi.

Vínin frá Beaujolais hafa átt svolítið undir högg að sækja upp á síðkastið vegna þess hvernig vínbændur þarblóðmjólkuðu vinsældir Nouveau-vínanna þar til neytendur gáfust hreinlega upp. Beaujolais-vín hurfu nær alfarið úr hillum vínbúða hér en nú eru þau sem betur fer komin aftur. Þetta geta nefnilega verið virkilega ljúf vín.