Two Oceans Sauvignon Blanc

Suður-Afrísku vínin frá Two Oceans hafa vakið verðskuldaða athygli á síðustu árum fyrir að vera með þeim langbestu í sínum verðflokki. Bandaríski víngúrúinn Robert Parker hefur ítrekað gefið þeim A+ í einkunn og í apríl hlaut Two Oceans Sauvignon Blanc gullverðlaunin í sænsku vínkeppninni Vinordic, sem sænska Matvælastofnunin tengist.

Two Oceans Sauvignon Blanc 2009 er virkilega ljúft og unaðslegt Sauvignon Blanc í Nýjaheimsstílnum. Ilmkarfan stútfullum af þroskuðum hitabeltisávöxtum: melónu, apríkósum, límónu og grænum eplum. Í munni míneralískt og þægilega ferskt. Virkilega flott vín fyrir peninginn.

1.499 krónur á flösku eða 5.099 krónur í þriggja lítra kassa.