Kryddblandan sem hér er notuð til að marinera kjúklingabita áður en þeir eru grillaðir á spjóti er norður-afrísk að uppruna og framandi keimurinn leynir sér ekki.
- 600 beinlaust kjúklingakjöt, bringur eða læri
- 1 laukur í marineringu og 2 á spjótin
- 4 hvítlauksgeirar
- 3 sm engiferrót
- 3 msk paprikukrydd
- 1 tsk kóríanderkrydd
- 1 tsk túrmerik
- 1 tsk kanil
- 4 kardimommur
- 1/2 dl ólívuolía
- salt og pipar
- 1 sítróna
Setjið lauk, hvítlauk, engiferrótina, paprikukrydd, túrmerik, kóríanderkrydd, kanil, kardimommur og ólívuolíu í matvinnsluvél. Bætið við safann úr sítrónunni og um msk af rifnum sítrónuberki. Saltið, piprið og maukið.
Skerið kjúklingann í bita og látið liggja í kryddleginum í að minnsta kosti klukkustund. Skerið lauk í bita og þræðið kjúklingabita og lauk til skiptis á grillspjót. Grillið spjótin og berið fram með Tabbouleh Couscous og sítrónubátum.
