Rabarbari er vinsæll víðar en á Íslandi. Þetta er sígild, gamaldags rabarbarakaka ættuð frá Bandaríkjunum.
- 1 egg
- 1 bolli súrmjólk
- 2,5 bollar hveiti
- 2 bollar sykur
- 170 g smjör
- 2,5 bollar niðursneiddur rabarbari
- 2 tsk vanilludropar
- 1 tsk matarsódi
- 1 tsk múskat
- 1/2 tsk salt
Hrærið öllu vel saman og setjið í smurt, eldfast form, ca 22 x 33 sm (9×13 tommur).
Dreifið 1 dl hrásykri eða púðursykri yfir ásamt 2 tsk kanil. Það er líka gott að dreifa um 1 lúku af muldum heslihnetum yfir kökuna áður en hún er bökuð.
Bakið í 45 mínútur í 180 gráðu heitum ofni.
Berið fram volga með þeyttum rjóma eða vanilluís.
