Það getur verið ágætis tilbreyting að skella pastaréttinum inn í ofn líkt og gert er með þennan ítalska kjúklingarétt. Það er hægt að nota bringur, lundir eða úrbeinuð læri.
- 3 kjúklingabringur, skornar í litla bita
- 500 g pasta t.d. Penne eða Ziti
- 2 dósir niðursoðnir tómatar
- búnt steinselja, flatlaufa, fínsöxuð
- 1 laukur, niðurskorinn
- 4-5 hvítlauksgeirar
- 100 g beikon eða Pancetta
- 1 mozzarella-kúla
- 1 dl rasp (heimatilbúið)
- 3 dl Parmesan, nýrifinn
- 1 væn teskeið Herbs de Provence (Pottagaldrar)
- salt og pipar
Hitið olíu á pönnu og mýkið laukinn og pancetta/beikon í 4-5 mínútur á miðlungshita. Bætið þá hvítlauknum við og eldið áfram í 1-2 mínútur. Setjið kjúklingabitana á pönnuna og brúnið á öllum hliðum. Saltið, piprið og kryddið með Herbs de Provence. Hellið tómötunum út á pönnuna og látið malla í um 10 mínútur. Bætið saxaðri steinseljunni saman við.
Sjóðið pasta. Blandið pasta og kjúklngablöndunni vel saman í ofnföstu fati.
Rífið eða skerið mozzarella niður og blandið saman við.
Blandið raspi og niðurrifnum parmesan saman og stráið yfir.
Eldið í 200 gráðu heitum ofni í um 25 mínútur.
