Nautahakk er ágætis álegg á pizzur sem býður upp á margvíslegar samsetningar. Hér tökum við rammítalska útgáfu.
- 1 skammtur pizzadeig
- 400 g nautahakk
- tómatapassata (maukaðir tómatar)
- 1-2 kúlur ferskur mozzarella
- 8-10 kirsuberjatómatar (eða konfekttómatar)
- 1/2 rauðlaukur
- 1 msk þurrkað óreganó
- nokkur blöð af fersku óreganó
- mjög góð ólívuolía
- salt og pipar
Fletjið deigið út og smyrjið með tómatasósunni. Kryddið með þurrkuðu óreganó. Dreifið hakkinu um botninn og kryddið með salti og pipar. Skerið ostakúlurnar í sneiðar og dreifið um botninn. Skerið tómatana í tvennt og dreeifið um botninn. Skerið rauðlaukinn í sneiðar og dreifið um botninn.
Eldið í ofni við 250 gráðu hita (eða á pizzasteini á grilli) þar til að hakkið er eldað og osturinn bráðnaður. Hellið smá ólívuolíu yfir pizzuna áður en þið berið hana fram
Skráðu þig á póstlistann með því að smella hér og fáðu reglulegt fréttabréf.
