Lengi vel voru frönsk vín frá þekktum héruðum á borð við Bourgogne ekki merkt sérstaklega með hvaða þrúgutegund væri notuð. Það hefur breyst á síðustu árum þar sem að nýjaheimsvínin hafa gert marga neytendur meira meðvitaða um þrúgurnar en svæðisbundinn uppruna þeirra. Þess vegna er Laforet-vínið frá Joseph Drouhin nú í seinni tíð líka auðkennt með þrúgunni – Pinot Noir – þótt auðvitað hafi rauð Búrgundarvín ávallt verið gerð úr Pinot Noir-þrúgunni.
Og þetta er alveg prýðilegur Pinot Noir, skógarber, lyng, rifsber og möndlukaramellur í nefi. Létt en þykkt og heldur sér lengi í munni, ágæt tannín. Þetta er vín sem þolir þyngri mat en maður heldur. Fínt með kjúkling og grísalundum en einnig með lambi og nauti ef meðlætið er ekki yfirþyrmandi.
2.597. krónur.
