Ástralinn Johnny Jonsson, yfirbarþjónn á Kolabrautinni, var meðal þeirra sem tóku þátt í Absolut Invite kokteilakeppninni á dögunum. Drykkurinn hans hét Absolut Agúrka og segir Johnny að hann hafi viljað gera eins konar blöndu af mjólkurhristing og gúrku caipirovska.
- 3 cl Absolut 100
- 2 cl Absolut Pears
- 2 cl ylliblómasíróp
- ,2 cl Peruskyr
- 2 tsk flórsykur
- 4 lauf sítrónumelissa
- 4 agúrkúsneiðar
- 2 engifersneiðar
- 2 sneiðar sítróna
- 2 sneiðar lime
„Möddlið“ saman í kokteilhristara ylliblómasíróp, flórsykur, agúrku, engifer og sítrónumelissu í um eina mínútu og passið upp á að merja vel græna hýðið á ág´rukunni. Bætið sítrónu og lime við og möddlið áfram í einar 20 sekúndur. Bætið þá peruskyri og vodka við. Hristið vel saman á klaka og síið í kælt martini glas með sykurrönd. Skreytið með 2 „víkingahornum“ úr agúrku.
Lag: Milkshake með Kelis
