Þessi kaka gæti sómað sér sem eftirréttur í matarboði eða saumaklúbbi. Hún er frá Immu vinkonu minni sem bauð upp á hana í síðasta saumaklúbbi.
- 175 grömm smjör
- 175 grömm suðusúkkulaði
- 2 dl sykur
- 1/2 -1 dl heslihnetukjarnar
- 1 dl hveiti
- 1 tsk kaffiduft
- 3 eggjarauður
- 3 eggjahvítur
- 2-3 dl rjómi
- jarðaber til skrauts
Bræðið smjörið á pönnu. Brjótið súkkulaðiði í bita og bræðið í bráðnaða smjörinu. Bætið síðan eggjarauðum og sykri við og þeytið rösklega. Sigtið hveitið og bætið í það fínsöxuðum heslihnetunum og kaffiduftinu. Látið síðan mjölblönduna í súkkulaðiblönduna. Stífþeytið eggjahvíturnar og blandið þeim i deigið. Látið deigið í 24 cm smelluform og bakið neðst í ofni við 175-200 gráður í 30 mín. Kælið kökuna í forminu áður en hún er sett á rist. Skreytið með þeyttum rjóma og jarðaberjum.
