Þetta er hollt brauð með engu geri, en ger virðist fara illa í suma. Ég notaði rifsber í þetta brauð þar sem ég átti frosin rifsber en það er örugglega gott að nota önnur ber líka. Ég hugsa að ég myndi bæta við rúsínum í næsta skipti. þessi uppskrift passar í 2 form.
- 150-200 gr frosin rifsber
- 4 dl hafragrjón
- 5 dl spelt
- 1 dl hörfræ
- 1 dl sesamfræ
- 1/2 msk sjávarsalt
- 4 tsk matarsódi
- 2 msk hunang
- 8 dl ab mjólk
- rúsinur
Setjið ofninn á 175 gráður. Smyrjið 2 brauðform. Blandið fyrst öllum þurrefnunum saman. Bætið síðan hunanginu, ab-mjólkinni og frosnu rifsberjunum saman við. Blandið öllu vel saman með sleif og skiptið deiginu á millli formanna. Dreifið smá hafragrjónum yfir brauðin. Hitið neðarlega í ofni í 80 mín.
