Rósakál er vinsælt vetrargrænmeti og hentar vel sem meðlæti með margskonar réttum. Það á vel við margskonar kjötrétti, hvort sem er lambakjöt eða villibráð á borð við gæs og hreindýr.
- rósakál
- hvítlaukur
- rifinn parmesanostur
- ólífuolía
- salt og pipar
Skolið rósakálið vel, hreinsið ystu blöðin frá ef þau eru visnuð eða ljót og skerið endann af hnúðunum. Grófsaxið síðan rósakálið og setjið í eldfast fat. Saxið 2-3 væna hvítlauksgeira og blandið saman við ásamt vænum skammti af ólífuolíu. Saltið og piprið. Blandið öllu vel saman.
Eldið í ofni við 200 gráður í um 20-25 mínútur eða þar til rósakálið fer að taka á sig lit.
Rífið parmesanostinn niður, ca 2 vænar lúkur af rifnum osti. Takið fatið úr ofninum. Blandið rifna ostinum saman við og eldið áfram í 2-3 mínútur.
Fleiri uppskriftir að meðlæti finnið þið með því að smella hér.
