Pinotage er þrúga sem svolítið frábrugðin þessum hefðbundnu, hún er ekki sjálfsprottin heldur tilbúinn blendingur úr annars vegar Pinot Noir og hins vegar Cinsault sem var fyrst ræktaður í Suður-Afríku árið 1925. Hún er enn nær alfarið bundin við Suður-Afríku og er ein af meginþrúgum suður-afrískrar víngerðar.
Barista er hreint Pinotage frá hinu rótgróna vínhúsi Val de Vle og það stendur undir nafni að því leyti að það er töluvert af kaffi, mokkakaffi í ilmkörfunni, sömuleiðis reykur, jörð, leður og dökkur, heitur kirsu- og trönuberjaávöxtur. Í munni heitt, kryddað, mjúkt.
2.999 krónur. Mjög góð kaup.
